Dat Töven hett en Enn. Arne Christiansen kummt wedder in de Lichtwarksaal un bringt söss verschedene Beer mit. En Masse hett sik in de Beerlandschop sit dat letzte Beerverkosten vör twee Johr daan. Bruerien, de wi kennen lehrt hebbt, hebbt slaten, aver to selbe Tiet hebbt ni’e Bruerien in Norddüütschland opmakt. Wi warrn also Beer vun ganz ni’e Bruerien proberen, aver ok Beer vun Bruerien, de al lang existeren. Dorto warrt wir wat över de verschedenen Beerstile lehren un uns de Geschicht to de Bruerien anhören.
Dat warrt en kommodige Avend för jede Öller. Keeneen warrt dörstig na Huus gahn.