Länderzentrum für Niederdeutsch: Platt is bunt!
En Utstellen
Dat Plattdüütsche hett vele Klören! Na dat Motto „Platt is bunt“ wiest dat Lännerzentrum för Nedderdüütsch de Spraak nee un frisch. Junge Lüüd hebbt Themen opgrepen un dor Biller to´n Ankieken ut maakt. Se wiest den Ünnerscheed twischen Plattdüütsch und Hoochdüütsch oder Engelsch, maakt en lütten Reis in´t Middelöller, hebbt plattdüütsche Stratennaams utklamüstert un veel mehr! Över en QR-Code kann sik jeedeen de Biller as Film ankieken. As lütt Extra lätt dat Lännerzentrum bavento en Stück ole Hamborger Musik opleven. Mit en Heft över Hamborger Couplets to´n Bispeel vun den Volksmuskanten Charly Wittong oder de Muskanten, Komiker un fröhen Varietéstars Bröder Wolf geiht dat op en Reis in dat ole Hamborg.
Vörhang op un vun Harten willkamen bi „Platt is bunt!“
