Datum: 23. April 2022
Uhrzeit: 0:00 - 0:00
Ort: Lichtwarksaal, Neanderstraße 22

 

Hanna un de Hummel – Vun Telemann, Tüdelband un annerswat

Dat Hamborger Originaal maakt en lütt Spazeergang mit de lütte Hanna. Dorbi warrt Hanna wies, woso de Lüüd den Hummel egens Hummel nöömt. He hett ja egens en ganz anner Naam. Se draapt op den bekannten Komponisten Schorsch Philipp Telemann un op en lierlütte Fru, de Zitronen verköfft un geern mal een supen deit. Un denn is dor ja ok noch en bannig groten Mann, de nich blots “Karl der Grote” heet, wieldat he so lang is.

“Hann un de Hummel” is en Reis na bekannte Bewahners vun Hamborg un en Inladen, sik de Stadt eenmal neger antokieken.

Besünners dull: Een kann den Spazeergang vun Hanna un Hummen een to een nalopen.

Schrieversch: Benita Brunnert is en echt Hamborger Deern. De utbildt Schauspelersch un  Journalistin arbeit as fre’e Mitarbeitersch för de NDR 90,3 Plattdüütsch-Redakschoon, översett Theaterstücken un Böker in’t Nedderdüütsche un föhrt ok geern as Deenstdeern „Käthe“ bi de Hamborger Gassenhauer mit en Schauspeelrundgang dörch Hamborg.

 

Weitere Infos