» Arbeitsschwerpunkte » Förderung der niederdeutschen Sprache und Literatur

Dat Nedderdüütsche un de Carl-Toepfer-Stiften

Heeg un Pleeg vun dat Nedderdüütsche siet över föftig Jahren – gode Traditschoon

In de beiden Hamborger Toepfer-Stiften hett de Heeg un Pleeg vun dat Nedderdüütsche gode Traditschoon – vun de Jahren na 1950 an hett de Alfred Toepfer Stiften (Stiftung F.V.S.) dat Nedderdüütsche dörch söß Priesen een paar Dutz Jahren heegt un pleegt (Fritz-Reuter-Pries), daarna, so vun dat Jahr 2000 an, güng denn allns an Nedderdüütsch-Heeg un -Pleeg an de Carl-Toepfer-Stiften över.

Heeg un Pleeg vun dat Nedderdüütsche dörch de Carl-Toepfer-Stiften

De Carl-Toepfer-Stiften heegt un pleegt dat Nedderdüütsche dörch:

• Utdoon vun den Fritz-Reuter-Pries;
• Bedriev, Ünnerholen, un Utbo för tokamen Tieden vun de Nedderdüütsch Bökerie/Niederdeutsche Bibliothek, de de Stiften in dat Eckhus Peterstraße 36/Hütten inricht‘ hett;
• Präsenteern vun een Plattdüütsch Bökerutstellen/Plattdeutsche Buchmesse (siet 1998 een Mol in’t Jahr);
• Utdoon vun den Pries Dat Plattdüütsche Book vun't Jahr/Plattdeutsches Buch des Jahres mit een Priesgeld vun 2000,– Euro;
• Präsenteern vun Plattdüütsche Avende (Lesungen, mitünner ok Schauspeleree, daarto meist mit Musik vun Instrumenten) orrer Avende, up de leest, musizeert un sungen ward in’n Lichtwarksaal, meist een Maal in’n Maand. De Avende köst för de Besöker keen Intritt;
• Plattdüütsche Avende in de Nedderdüütsch Bökerie/Bibliotheksgespräche (dree bit veer Maal in’t Jahr) mit wat mehr spezialiseerte Vördrääg un Lesungen to de Historie vun de plattdüütsche Spraak un Literatur un ut de Wetenschop vun de beiden Rebeten;
• Ünnerstütten vun anner Doon för de Heeg un Pleeg vun dat Nedderdüütsche un Unnerstütten vun annere Institutschonen, de ok dat Nedderdüütsche heegt un pleegt.

» Seitenanfang