» Arbeitsschwerpunkte » Förderung der niederdeutschen Sprache und Literatur

To de Historie vun den Reuter-Pries

Siet de 1950er Jahren: Söß nedderdüütsche Priese vun de Alfred Toepfer Stiften F.V.S. (Stiftung F.V.S.)

Vun 1955 an hett de Stiften F.V.S. (Alfred Toepfer Stiften F.V.S.) sik för de nedderdüütsche Spraak und Literatur und de Wetenschop över dat Nedderdüütsche dörch söß Priesen insett. De Priesen weern benöömt na: Fritz Reuter (1955), Klaus Groth (1956), Hans Böttcher (1960), Richard Ohnsorg (1963) und Conrad Borchling (1964). Mit de söß Priesen sünd de plattdüütsche Spraak und Literatur un ok de Wetenschop heegt un pleegt worrn.

1984: Ut söß Priesen ward een Pries – de Fritz Reuter Pries vun de Stiften F.V.S (Alfred Toepfer Stiftung F.V.S.)

In dat Jahr 1984 hett de Stiftungsraat fastleggt, de söß nedderdüütschen Priesen to eenen Pries tosamentofaten – to den (niegen) Fritz-Reuter-Pries. Vun de 1990er Jahren an is de Pries toeerst in jedeen Jahr utgeven worrn, vun 1996 an jedeen tweetet Jahr, vun 2002 an is dat Priesgeld 7500,– Euro hoch.

Vun dat Jahr 2000 an is dat Utdoon vun den Fritz-Reuter-Pries bi de Carl-Toepfer-Stiften

In’t Jahr 2000 is vun de beiden Hamborger Toepfer-Stiften fastleggt worrn, dat de Fritz-Reuter-Pries vun de Alfred Toepfer Stiften an de Carl-Toepfer-Stiften övergeiht, wieldat de Carl-Toepfer-Stiften een heel Barg anner Upgaven bi de Heeg un Pleeg vun dat Nedderdüütsche bedrifft. Dat Priesgeld is vun 2008 an up 10.000,– Euro fastsett.

» Seitenanfang