» Arbeitsschwerpunkte » Förderung der niederdeutschen Sprache und Literatur

De Plattdüütsche Bökerutstellen/Plattdeutsche Buchmesse

In’t Jahr 1998 hett de Carl-Toepfer- Stiften de eerste Plattdüütsche Bökerutstellen utricht – vun denn af an hett de Stiften dat jedeen Jahr maakt. Jedeen Jahr in’n Novembermaand präsenteern för’n Tweedagstiet grote un ok lütte Book-Verlagen ut Hamborg, Sleswig- Holsteen, Meckelborg- Vörpommern, Nedersassen, Nordrhein- Westfalen, Hessen, Bayern un Berlin ehr niege Böker un ok de Bööker ut de Vörjahrn un maakt künnig, wat se in de tokamen Jahren vörhebbt.

De Bökerutstellen, de für de Besöker un de Utstellers nix kosten deit, kümmt bi de Besöker un de Utsteller allerbest an – in de verleden Jahrn würn an de beden Dagen vun de Bökerutstellen so üm 3.000 Frünn vun dat Nedderdüütsche tellt. Ok veele Schoolmester un Meesters ut de Kinnergarns kaamt geern un wüllt kieken, wat dat för Böker för den Ünnerricht in den Schoolen un Kinnergarns geven deit. Sit 2006 gifft dat jeden Jahr een Sonderutstellen, ton Biespill Musikalien för dat Plattdüütsche.

Kommodig ist för de Besöker un ok för de Utstellers, dat dat heel fründlich togeiht, dat dat veel goden Rat gifft, dat jedeen in veele hunnert Böker kieken kann, dat dat de Böker ok to köpen gifft. To de vulle Klockenstünn leest een bekannten Schriewersmann orrer een Schriewersfruu – un se setten ok nich bloots ehre Ünnerschrift in de köfften Böker, nee, man kann ok mit de Schriewerslüüd snacken. Dat all gefallt de Besöker, de Schriewerslüüd un de Utstellers bannig – un ok, dat dat siet 2006 een Ruum daarto för een Sonderutstellen gifft.

Bevör dat mit de Bökerutstellen losgeiht, gifft dat för alle Maaten vun de Bökerutstellen un alle Besökers een plattdüütschen Gottesdeenst in den Michaeliskark.

Wat dit Jahr up de Utstellen losward, dat kann’n in »Veranstaltungskalender« ankieken.

De Bökerutstellen ward jedeen Johr in'n November dörchföhrt – in de Tiet vun Klock ölben vörmiddags bit Klock söß an’n Avend – un so as ümmer in’n

Lichtwarksaal
Neanderstraße 22
20459 Hamborg

Den Weg to den Lichtwarksaal finnt Se hier in de Teeknung.

» Seitenanfang